Əgər getdiyiniz avtomobil xarab olduğu üçün, yaxud qəzaya düşdüyü üçün və ya getdiyiniz ictimai nəqliyyat vasitəsi cədvələ uyğun çatmadığı üçün reysi buraxmısınızsa və kompensasiya almaq istəyirsinizsə, mütləq təqdim etmək lazımdır:

• Kart sahibinə dəyən bütün əlavə ziyanların sübutları.
• İctimai nəqliyyat vasitəsinin faktiki gecikməsi ilə bağlı rəsmi məktub.
• YNH baş verməsi haqqında akt.

Sığortanın yalnız xarici səfərləri əhatə etdiyinə diqqət yetirin.

Buraxılmış reysə görə kompensasiya almaq üçün aviaşirkətdən uçuşun ləngiməsini və ya reysin gəlişini təsdiqləyən sənədləri almaq lazımdır. Əlaqəli reyslər arasında 2 saatdan az olmayan vaxt aralığının planlaşdırılması vacibdir. 

Sığortanın yalnız xarici səfərləri əhatə etdiyinə diqqət yetirin. 

Aldığınız məhsulların zədələnməsi, yaxud itirilməsi halında kompensasiya almaq üçün:

• Alış-veriş 100% bir dəfəyə kartla (hissə-hissə, yaxud kreditlə yox) ödənməli, məhsulun minimum məbləği isə 100 USD-dən az olmamalıdır.
• Alış-veriş qəbzi, hesab çıxarışı, zəmanət talonu, mağazanın zəmanət üzrə xidmətdən imtinası və təmir ödənişi halında qəbzlər təqdim olunmalıdır.
• Oğurluq halında polis protokolu təqdim olunmalıdır.

* Xidmət alış-veriş anından etibarən 90 gün ərzində keçərlidir.

Sığortaya uyğun hal baş verərsə, bunları etmək lazımdır:

• İlk növbədə baş verən hadisə barədə International SOS nömrələri ilə xəbər verin: +380444993975 / +74959376453 / +442087628373. Yaxud Visa konsyerj xidməti vasitəsilə istənilən kommunikasiya kanalı ilə xəbər verin:

• Sığortanın sizi müştəri kimi identifikasiya edə biləcəyi məlumatları bildirin: ASA, kartın ilk 9 nömrəsi, əlaqə üçün maliyyə və yerli nömrə.
• Sığorta (öz növbəsində) müraciəti dəqiqləşdirib növbətçi həkimə ötürür.
• Həkim sizinlə əlaqə saxlayıb nə etməli və hansı xəstəxanaya getməli olduğunuzu tövsiyə edir.
• Sığorta vəziyyəti nəzarətdə saxlamaq üçün paralel olaraq xəstəxana ilə əlaqə saxlayır.
• Xərclərin kompensasiyası üçün hadisə faktını sübut edəcək qəbzləri, biletləri və digər sənədləri saxlayın.

İlkin mərhələdə bütün xərcləri kart sahibinin ödəyəcəyinə, sığortanın isə yalnız müraciətə baxdıqdan sonra bunları kompensasiya edə biləcəyinə diqqət yetirin. Kart sahibinin daimi yaşayış ölkəsinə qayıtdıqdan sonra çəkəcəyi tibbi xərcləri sığorta xidməti əhatə etmir.

Əgər səfəriniz başlamazdan öncə* bu səbəblərdən ləğv, yaxud ixtisar olunarsa, kompensasiyaya iddia edə bilərsiniz:

• Kart sahibinin, yaxud onun yaxın qohumunun gözlənilməz xəstəlik, zədə, yaxud ölümü halında.
• Kart sahibinin hamiləliyində problemlərin yaranması halında (əgər səfər bron edildikdən sonra baş veribsə).
• Kart sahibi infeksiyaya yoluxduğu üçün məcburi şəxsi karantində qalması halında.

Sığorta hadisəsi baş verdikdə kart sahibi bütün geri qaytarılmayan səyahət, yaşayış xərclərinin, kart sahibinin müqavilə üzrə əvvəlcədən ödədiyi və ya ödəməli olduğu digər xərclərin, habelə digər əsaslı səyahət xərclərinin ödənilməsini gözləyə bilər.

Xidmətin bu halları əhatə etmədiyinə diqqət yetirin:

• Qaytarılan aeroport rüsumlarının, vergilərinin və yığımlarının ödəniş xərcləri.
• Öncədən mövcud olan xəstəliyə görə səfərin pozulması.
• Səfərin millər, bonuslar, ballar və s. vasitəsilə ödəniş xərcləri.
• Pasportun, yaxud vizanın mövcud olmamasına və ya keçərli olmamasına görə səfərin pozulması.

* Sığorta yalnız xarici səfərləri əhatə edir.

Kart sahibi bu hallarda icarəyə götürülmüş avtomobildə YNH-yə görə sığorta ödənişi gözləyə bilər:

• İcarə 100% kartla ödənmişdir.
• Avtomobili məhz kart sahibi icarəyə götürmüşdür.
• Kart sahibinin icarəyə götürdüyü avtomobilin sinfinə uyğun qüvvədə olan sürücülük vəsiqəsi var.
• Sürücünün 21-79 yaş aralığındadır.

Diqqət! Sığorta yalnız səyahət müddəti ərzində, lakin 31 gündən çox olmamaqla keçərlidir və ildə yalnız 2 YNH əhatə edir.

Sığorta nələri əhatə etmir:

• Franşiza və cəzalar.
• Avtomobilin yaşı 20 ildən çoxdursa.
• Avtomobilin dəyəri 75 000 USD-dən çoxdursa.
• Sürücü icarəyə götürülmüş avtomobillə yarışlarda iştirak edibsə, nəqliyyat vasitəsini alkoqolun/narkotik vasitələrin təsiri altında idarə edibsə, avtomobili sərxoş halda idarə etməyə görə hər hansı məsuliyyətə cəlb olunubsa, həmçinin həkimin tövsiyələrinə baxmayaraq avtomobil idarə edirsə.

* Yalnız kart sahibinin səyahəti sığorta olunubsa, icarəyə götürülmüş avtomobil üçün sığorta da keçərli olur.